KABUUANG isandaan tatlumpu’t dalawang Distressed Overseas Filipino Workers mula sa Middle East ang dumating sa bansa nitong weekend.
Dumating ang grupo ng OFWS lulan ng Gulf Air Flight GF154 sa Ninoy Aquino International Airport (NAIA) Terminal 3 mula Bahrain noong sabado.
Ang mga pinoy workers ay tinulungan ng Department of Migrant Workers at iba pang Filipino Resource Workers, gaya ng Bahay Kalinga sa Kuwait, bilang bahagi ng Overseas Workers Welfare Administration – Migrant Workers’ Office, sa pakikipag-ugnayan ng Philippine Embassy sa Kuwait.
Pagdating sa NAIA ay binigyan ng OWWA ang mga umuwing na OFW ng pagkain at pamasahe pauwi sa kani-kanilang probinsya, at hotel accommodation kung kinakailangan at financial assistance.
