DUMALO ang mga lokal na opisyal at supporters ni Dating Pangulong Rodrigo Duterte sa leader’s forum sa Davao City bago nagtungo sa prayer rally laban sa signature campaign na nagsusulong ng Charter Change (cha-cha).
Kabilang sa mga dumalo sa “Hakbang Maisug” Forum ay sina Dating Presidential Spokesperson Harry Roque, Dating Cabinet Secretary Leoncio “Jun” Evasco, at Dating Executive Secretary Vic Rodriguez.
Sinabi ni Rodriguez na inimbitahan siya para maging bahagi ng leader’s forum.
Inihayag din niya ang kanyang sentimyento laban sa People’s Initiative na isinusulong para baguhin ang saligang batas.
Present din ang SMNI hosts na sina Lorraine Badoy at Jeffrey “Ka Eric” Celiz sa naturang forum.
