NAGHAHANDA na ang House Committee on Transportation para sa hearing sa umano’y katiwalian sa Public Utility Vehicle Modernization Program.
Ayon kay Antipolo City 2nd District Rep. Romeo Acop, Chairman ng komite, sisimulan nila ang kanilang pagsisiyasat sa miyerkules, batay sa kahilingan ni House Speaker Martin Romualdez.
Lumutang ang mga alegasyon na mayroong iregularidad sa modernization program noong Oktubre ng nakaraang taon, subalit binawi kinalaunan ng empleyado ng Land Transportation Franchising and Regulatory Board (LTFRB) ang binitawan nitong mga akusasyon.
Sinabi ni Acop na kung ipatutupad ang modernisasyon sa mga jeep, dapat matiyak na wala itong bahid ng iregularidad.
