WALA pang bagong official date para sa 10th anniversary concert ni Janella Salvador, bagaman umaasa ang singer-actress na mangyayari ito sa Setyembre.
Orihinal na itinakda ang “Reimagined” concert ni Janella noong April 19 sa new Frontier Theater sa Quezon City, subalit mahigit isang linggo bago ang event ay inanunsyo ng Star Music na iniurong nila ito bunsod ng “Unforeseen Circumstances.”
Ipinaliwanag ni Janella na maraming nangyari habang naghahanda siya sa concert, at ayaw naman niyang bigyan ang kanyang fans ng malasadong performance.
Pagtiyak pa ng singer-actress, ibibigay niya ang kanyang 100 percent at paghahandaan niyang mabuti ang kanyang concert.
