Isang van at isang bus ang sumalpok sa mga concrete barrier sa EDSA.
Ayon sa driver ng van, sumabit ang gulong niya pagbaba sa southbound lane ng Ortigas flyover.
Nawalan umano siya ng kontrol sa manibela kaya sumalpok ang minamaneho niyang sasakyan sa mga concrete barrier.
Sinabi ng Metropolitan Manila Development Authority (MMDA), pitong concrete barriers ang inararo ng van dahilan kaya nayupi ang harapan ng sasakyan.
Samantala, bumangga naman ang paparating na bus na nasa EDSA busway sa concrete barrier na unang nabangga ng van.
Wala namang naiulat na nasaktan sa mga sakay ng van at bus.
