Walang pumipigil sa International Criminal Court (ICC) na mag-isyu ng warrant of arrest laban sa mga opisyal ng pamahalaan.
Ito, ayon kay Solicitor General Menardo Guevarra, kasabay ng paglilinaw na ibang usapin ang pagpapatupad ng arrest warrant sa teritoryo ng Pilipinas.
Paliwanag ni Guevarra, ang paglalabas ng warrant ay base sa assessment ng ICC pre-trial chamber sa pag-iral ng reasonable ground na nakagawa ng krimen ang isang indibidwal.
Sinabi ng SolGen na ang ICC prosecutor ay dapat imbestigahan ang mga ebidensya na maaring magsangkot at magpawalang sala sa akusado.
Ginawa ni guevarra ang pahayag matapos tanungin kung maaring isyuhan ng ICC ng warrant of arrest si Vice President Sara Duterte at iba pang Philippine officials, kaugnay ng war on drugs ng nakalipas na administrasyon.
