Pinaglaanan ang makasaysayang isla ng Homonhon sa Guiuan, Eastern Samar ng isandaang milyong piso ngayong taon para maisakatuparan ang matagal nang planong circumferential road.
Ayon kay 4Ps party-list Rep. Marcelino Libanan, saklaw ng pondo ang opening at upgrading ng 21-kilometer road sa mga Barangay Casuguran, Bitaugan at Habag.
Umaasa si Libanan na mapopondohan din sa mga susunod na taon ang natitirang apatnapung kilometro upang tuluyang makumpleto ang proyekto.
Ang road project ay mag-uugnay din sa mga barangay Inapulangan at Habag na kasalukuyang nararating lamang sa pamamagitan ng bangka.
