NAGBABALA ang Department of Health (DOH) laban sa paglaganap ng mga sakit ngayong tag-init.
Ayon kay Health Secretary Ted Herbosa, isa sa malaking problema tuwing mainit ang panahon ang diarrhea, dahil mabilis mapanis ang mga pagkain.
Posible rin aniya sa binabantayan kapag tag-init ang gastrointestinal illness mula sa mga kontaminadong tubig, kung matagal na hindi nagagamit ang water sources.
Pina-alalahanan din ni Herbosa ang publiko, lalo na ang mga mahilig mag-work out na uminom ng sapat na dami ng tubig, upang maiwasan ang dehydration at heat exhaustion na posibleng humantong sa heatstroke.
