KINILIG ang fans nina Bea Alonzo at Dominique Roque makaraang mag-share ang dalawa ng halos magkaparehong post sa kani-kanilang social media accounts.
Sa kanyang Instagram account, nag-post si Bea ng mga litrato, kabilang ang isang batang lalaki na kasama ang kanyang alagang aso; birthday celebration ni Johnny Manahan; kasama ang kanyang co-star magic stars; at habang naglalaro ng tennis.
Nilagyan din niya ito ng caption na “Thank You, March.”
Samantala, nag-post din si Dominic ng mga litrato sa kanyang IG, kabilang ang paglalaro niya ng tennis at nilagyan niya ng caption na “Marso.”
Napansin ito ng mapanuring netizens na nag-comment tungkol sa halos magkaparehong post ng dating magkasintahan.
Matatandaang noong Pebrero ay kinumpirma nina Bea at Dominic na nagkasundo sila na tapusin na ang kanilang engagement.
