Isiniwalat ng Singer-rapper na si Gloc-9 na ang kanyang hit song na “Sirena” ay ginawa niya para sa kanyang anak na miyembro ng LGBTQ Community.
Ang naturang hit song ay bahagi ng 2012 album ni Gloc-9 na “mga kwento ng makata” mula sa Universal Records.
Inamin ng singer-rapper na takot na takot siya nang i-release nila ang “Sirena” dahil ayaw niyang makainsulto ng tao.
Idinagdag ni Gloc-9 na nang isinulat niya ang kanta ay hindi pa umaamin na gay ang kanyang anak, at hindi niya alam kung paano sasabihin kung gaano niya ito kamahal.
