BIBIYAHE ang Gilas Pilipinas patungong Turkey at Poland para sa kanilang training sorties bago ang kanilang stint sa FIBA Olympic Qualifying Tournament (OQT) sa Latvia, sa Hulyo.
Ayon kay Samahang Basketbol ng Pilipinas (SBP) Executive Director Erika Dy, magre-reassemble muna ang Gilas players sa June 22 sa Inspire Sports Academy sa Laguna bago lumipad patungong Turkey at Poland para maglaro ng tune up games sa kani-kanilang national teams.
Pagkatapos nito ay didiretso na si Coach Tim Cone, kasama ang 14-man squad sa kanilang “Mission: Paris” sa July 2 to 7 qualifiers, sa Riga City sa Latvia.