PINAG-aaralan na ni First Lady Liza Marcos kung paano tutulungan ang mga nasa industriya ng pelikula.
Ito ay matapos ang pakikipagpulong ng unang ginang sa mga miyembro ng Filipino Film Industry.
Hindi maikakaila na nalugmok ang industriya ng pinilakang tabing nang tumama ang pandemya sa COVID-19.
Kasama sa pulong si Film Development Council of the Philippines Chairman and Chief Executive Officer Tirso Cruz III.
Present din sa meeting ang aktor na si Dingdong Dantes na kabilang sa Board of Trustees ng Movie Workers Welfare Foundation (MOWELFUND) na isang organisasyon na nagbibigay ng tulong sa mga movie workers sa panahon ng pangangailangan.
Ilan din sa namataang dumalo sa pulong ng First Lady ay si Department of the Interior and Local Government Secretary Benhur Abalos.
