Nakilahok ang Department of Public Works and Highways Eastern Samar District Engineering Office (DPWH ESDEO), sa 1st Quarter Nationwide Simultaneous Earthquake Drill.
Sa naturang drill, sinunod ng DPWH ESDEO employees ang “duck, cover, and hold” sa kani-kanilang designated work stations nang tumunog ang isang minutong alarma.
Matapos ang alarm, agad lumikas ang mga empleyado mula sa building at nagtungo sa isang open area kung saan nagsagawa ng headcount upang matiyak ang kumpletong attendance.
Ayon sa ahensya, mahalaga ang naturang aktibidad upang palakasin ang kamalayan at kahandaan ng mga empleyado tuwing mayroong kalamidad.
