Pinagmumulta ng NBA ng 25,000 dollars ang Detroit Pistons guard na si Evan Fournier matapos nitong sipain ang bola patungo sa spectator stands.
Pinarusahan ang 31-year old na Frenchman bunsod ng insidente na nangyari matapos ang home loss ng Pistons laban sa Miami Heat sa score na 104-101.
Dahil sa naturang pagkatalo, nalaglag ang Detroit sa 12-55, na ikalawa sa worst record sa NBA.
Si Fournier na nasa kanyang ika-labing dalawang taong kampanya sa NBA, ay napabilang sa Pistons noong nakaraang buwan dahil sa deal na nagdala kay Bojan Bogdanovic sa New York Knicks.
