Itinalaga ni pangulong Ferdinand “Bongbong” Marcos Jr. si Police Major General Rommel Francisco Marbil bilang bagong pinuno ng Philippine National Police.
Bago ang kanyang appointment bilang ika-tatlumpung PNP Chief, pinamunuan ni Marbil ang PNP Directorate for Comptrollership.
Pinamunuan din niya ang PNP highway patrol group bago naging director ng Eastern Visayas Police.
Si Marbil na miyembro ng Philippine Military Academy (PMA) Sambisig Class of 1991, ay magreretiro sa February 2025.
Pinalitan niya si Gen. Benjamin Acorda Jr., na nagtapos ang termino, kahapon, March 31.
