NAGSALITA na ang veteran actress na si Cherry Pie Picache tungkol sa kanyang personal na buhay, ilang buwan matapos kumalat ang tsismis na hiwalay na sila ni Edu Manzano.
Sa sidelines ng grand media conference ng pelikulang “Firefly” tinanong kung masaya ba ang kanyang puso ngayon.
Sinabi ni Cherry Pie na sa edad niya ngayon ay hindi na niya maaring iasa ang kanyang kaligayahan sa iba at dapat din ay buo o kumpleto siya kapag siya ay magmamahal muli.
Nilinaw naman ng aktres na mabuti silang magkaibigan ni Edu at patuloy nilang mamahalin ang isa’t isa, kasabay ng pagsasabing bukas pa rin siya sa paghahanap ng bagong pag-ibig.
