NAKIPAGPULONG si Calbayog City Mayor Raymund “Monmon” Uy sa mga opisyal ng Department of Education sa lungsod para talakayin ang nalalapit na pagsasanay ng mga atleta sa Eastern Visayas Regional Athletic Association (EVRAA) 2024.
Sumentro ang pulong sa pagpa-plano at paghahanda para sa training ng mga atleta at tiniyak na makatatanggap ang mga ito ng mga kinakailangang suporta at gabay upang maging mahusay na mga kinatawan ng Calbayog City sa regional sports event.
Gaganapin ang kompetisyon sa Ormoc City, simula sa ika-sampu hanggang ika-labing lima ng Mayo.
