MULING nakamit ng Calbayog City Division ang Overall Champion sa Regional Schools Press Conference (RSPC) 2024.
Sa ilalim ng temang, “Aligning Campus Journalism with the Matatag Agenda: Breaking Down Barriers of Isolation, Indifference, and Mediocrity; Building Up Support for Inclusion, Collaboration, and Excellence,” labintatlong divisions sa buong Region 8 ang nagpaligsahan sa iba’t ibang kategorya na ginanap sa Calbayog City noong May 1 hanggang 4.
Sa RSPC 2023 na ginanap sa Dolores, Eastern Samar, ang Calbayog Division ang itinanghal na overall champion, kaya ito naging back-to-back champion ngayong taon.
Ang kanilang tuloy-tuloy na tagumpay ay patunay ng kanilang dedikasyon na mapaghusay pa ang kanilang kakayahan na makasabay sa journalistic standards.
Napanalunan din ng Calbayog Division ang Most Disciplined Delegation.
