APRUBADO na ng Commission on Appointments (CA) ang pagkakatalaga kay Sec. Ralph Recto bilang kalihim ng Department of Finance (DOF).
Nakumpirma ng CA si Recto sa idinaos na plenary session ng CA Committee on Finance sa pamumuno ni Senator Ramon Revilla Jr.
Ayon kay Revilla, tiyak niyang sa kasanayan ni Recto ay nasa mabuting kamay ang DOF.
Sa kaniyang speech, inulit ni Recto ang kaniyang naging pahayag noong Enero na ipaprayoridad niya ang tamang pagkulekta ng buwis.
Ngayong nasa economic recovery stage pa aniya ang bansa hindi nararapat ang pagpapataw ng dagdag na buwis.
