LABINTATLONG batang mag-aaral ang nasawi nang masunog ang isang dormitoryo sa Henan Province sa China.
Sa ulat ng Xinhua, bukod sa mga nasawi mayroong ding isang nasugatan sa sunog sa Yincai School sa Yanshanpu Village.
Ayon sa isang guro ng paaralan, lahat ng biktima ay mula sa third-grade class na siyam hanggang sampung taong gulang.
Patuloy na iniimbestigahan ng mga otoridad ang sanhi ng sunog, habang nakakulong ang isang hinihinalang may kinalaman sa malagim na insidente.
