8 February 2025
Calbayog City
Entertainment

10th anniversary concert ni Janella Salvador, ipinagpaliban!

janella salvador

Inanunsyo ng Star Music na postponed ang 10th Anniversary Concert na “Reimagined” ng actress-singer na si Janella Salvador.

Sa statement, sinabi ng Star Music na ipinagpaliban ang concert na dapat ay gaganapin sa April 19 sa New Frontier Theater, bunsod ng “unforeseen circumstances.”

Bunsod nito, pinayuhan ang ticket holders na itago ang kanilang tickets para sa rescheduled date  o  kaya ay humiling ng refund sa pamamagitan ng ticketnet.

Kasabay nito ay ang paghingi ng paumanhin ng Star Music sa anumang naging abala ng postponement, at pasasalamat sa pang-unawa ng mga nakabili na ng tickets.

Sa post naman sa X (dating Twitter), humingi rin ng paumanhin si Janella at nagpasalamat sa mga nag-aabang sa kanyang concert, na aniya ay mas paghahandaan pa niya sa sandaling matuloy.

donna cargullo
A passionate Mom of Three Kids, A Hands-on Loving Wife to Junmar. A top caliber News Producer who worked previously from Different News Organizations based in Manila like Radyo Inquirer & RMN Manila. Currently one of the producers of BuenaMano Balita & at the same time the Chief Correspondent of IR Calbayog.

Leave a Reply

Your email address will not be published. Required fields are marked *